తాడేపల్లి:
ఉమ్మడి అనంతపురం జిల్లాలో పార్టీకి చెందిన స్థానిక సంస్థల ప్రజా ప్రతినిధులు, పార్టీ నాయకులతో తాడేపల్లి క్యాంప్‌ ఆఫీస్‌లో సమావేశమైన మాజీ ముఖ్యమంత్రి, వైయస్‌ఆర్‌సీపీ అధ్యక్షుడు శ్రీ వైయస్‌ జగన్మోహన్ రెడ్డి వివిధ అంశాలపై స్పందించారు.
ఆయన వ్యాఖ్యల్లో ముఖ్యాంశాలు:
విజన్‌ కాదు, 420 మేనిఫెస్టో:
“చంద్రబాబు ప్రవేశపెట్టిన విజన్‌ 2047 ఏదీ అభివృద్ధికి సంబంధించినది కాదు. అది మోసపూరిత రంగుల కథ మాత్రమే. మేము గతంలోనే అభివృద్ధికి బాటలు వేసి చూపించాం. ప్రభుత్వ పాఠశాలలను ప్రైవేట్‌ స్థాయిలో తీర్చిదిద్దాం. ఇదే వైయస్‌ఆర్‌సీపీ నిజమైన విజన్‌.”
ఉన్నత విద్యలో విప్లవాత్మక మార్పులు:
“హార్వర్డ్, ఎంఐటీ వంటి ప్రఖ్యాత సంస్థల భాగస్వామ్యంతో ఉన్నత విద్యలో మార్పులు తెచ్చాం. ఆన్‌లైన్‌ వర్టికల్స్‌ పరిచయం చేశాం. గ్రామ స్థాయిలో ప్రివెంటివ్‌ కేర్‌ ఏర్పాటుచేసి వైద్య రంగంలో విప్లవాత్మక మార్పులకు నాంది పలికాం.”
పోరుబాటకు సిద్ధం:
“ప్రతి కార్యకర్త సోషల్ మీడియా సైనికుడిలా ఉండాలి. వైయస్‌ఆర్‌సీపీ జెండా రెపరెపలాడాలి. ప్రజల సమస్యల కోసం పార్టీ నాయకులు నిబద్ధతతో పనిచేయాలి.”
చంద్రబాబు పాలనపై విమర్శలు:
“ఆరు నెలల పాలనలోనే ప్రజలు తీవ్ర నిరాశ చెందారు. హామీలు గాలికొదిలి, స్కాంలు, మాఫియాలతో ప్రభుత్వ వ్యవస్థను అస్తవ్యస్తం చేస్తున్నారు. రెడ్‌బుక్‌ రాజ్యాంగం అమలవుతోంది.”
పట్టుకునే షాక్‌ కొడుతున్న కరెంటు బిల్లులు:
“రాష్ట్ర వ్యాప్తంగా కరెంటు బిల్లుల పెరుగుదల ప్రజల నడుమ ఆగ్రహానికి దారితీస్తోంది. ఈ నెల 27న నిరసన కార్యక్రమాలు నిర్వహించాల్సిన అవసరం ఉంది.”
తన భరోసా:
“ప్రతిపక్షంలో కష్టాలు సహజం. నన్నే 16 నెలలు జైల్లో పెట్టారు. కానీ ప్రజల అండతోనే ముఖ్యమంత్రి పదవిని అందుకున్నా. పార్టీ శ్రేణులు ధైర్యంగా ఉండాలి. వైయస్‌ఆర్‌సీపీ మీకు అండగా ఉంటుంది.”
Also read:
https://voiceofandhra.org/telugu/2024/12/19/janasena-leader-suspended-for-indecent-act/
