ఆంధ్రప్రదేశ్ గ్రామ, వార్డు వలంటీర్లు తమ సమస్యలపై నిరసన గళం వినిపిస్తున్నారు. చంద్రబాబు తన ఎన్నికల ప్రచారంలో వలంటీర్లకు నెలకు రూ.10,000 వేతనం, ఉద్యోగ భద్రత కల్పిస్తామని హామీ ఇచ్చారు. కానీ అధికారంలోకి వచ్చి ఆరు నెలలు గడుస్తున్నా, ఆయన హామీలు నెరవేరలేదని వలంటీర్లు ఆగ్రహం వ్యక్తం చేస్తున్నారు.
వలంటీర్ల సమస్యలపై ప్రభుత్వం చర్యలు తీసుకోవడం లేదని ఆరోపిస్తూ, స్టేట్ వలంటీర్స్ అసోసియేషన్ రేపటి నుంచి రాష్ట్రవ్యాప్త నిరసన కార్యక్రమాలకు పిలుపునిచ్చింది.
వినూత్న నిరసన కార్యక్రమాలు:
- జనవరి 2: గ్రామ, వార్డు సచివాలయాలలో వినతిపత్రాలు సమర్పణ.
- జనవరి 3: జిల్లా కేంద్రాల్లో మోకాళ్ల మీద కూర్చుని భిక్షాటన.
- జనవరి 4: చంద్రబాబు, పవన్ కల్యాణ్ తమ హామీలను నిలబెట్టుకోలేదని గుర్తుచేస్తూ “బ్యాక్ టు వాక్” (వెన‌క‌కు నడుస్తూ నిరసన) కార్యక్రమం.
అసోసియేషన్ అధ్యక్షుడు జి. ఈశ్వరయ్య మాట్లాడుతూ:
“ప్రభుత్వం వలంటీర్ల సమస్యలపై చర్చించకపోతే వినూత్న నిరసనలను కొనసాగిస్తాం. వలంటీర్లకు సరైన వేతనాలు, ఉద్యోగ భద్రత కల్పించాల్సిందే.”
ప్రభుత్వంపై ఒత్తిడి:
ఈ నిరసనల ద్వారా వలంటీర్లు తమ కష్టాలను ప్రభుత్వ దృష్టికి తీసుకురావడంతో పాటు తక్షణ చర్య తీసుకోవాలని కోరుతున్నారు. జనవరి 2న జరగబోయే కేబినెట్ భేటీలో వలంటీర్ల సమస్యలపై నిర్ణయం తీసుకోవాలని డిమాండ్ చేస్తున్నారు.
Also read:
