నారాయణ కాలేజీ వద్ద ఉద్రిక్తత.. విద్యార్థుల ఆందోళన: ఏం జరుగుతోంది?

అనంతపురం: నారాయణ జూనియర్ కాలేజీ విద్యార్థి చరణ్ ఆత్మహత్య కేసుపై విద్యార్థి సంఘాలు ఆగ్రహంతో ఉప్పొంగాయి. విద్యార్థుల మరణాలకు కారణమైన మంత్రి నారాయణపై కఠిన చర్యలు తీసుకోవాలని డిమాండ్ చేస్తూ విద్యార్థి సంఘాల నేతలు నారాయణ కాలేజీ వద్ద ఆందోళన చేపట్టారు.

మంత్రి నారాయణను పదవి నుంచి తప్పించాలి – విద్యార్థి సంఘాలు

నారాయణ సంస్థల అకడమిక్ ఒత్తిడే విద్యార్థుల మరణాలకు కారణమని ఆరోపించిన విద్యార్థి సంఘాల నేతలు, మంత్రి నారాయణను పదవి నుంచి భర్తరఫ్ చేయాలని డిమాండ్ చేశారు. నారాయణ కాలేజీ ఎదుట పెద్ద ఎత్తున విద్యార్థి సంఘాలు ర్యాలీ నిర్వహించాయి.

పోలీసుల అడ్డుకట్ట – తోపులాట

కాలేజీ లోపలికి వెళ్లేందుకు ప్రయత్నించిన విద్యార్థి సంఘాల నేతలను పోలీసులు అడ్డుకున్నారు. ఈ సందర్భంగా పోలీసులకు – విద్యార్థులకు మధ్య తోపులాట చోటుచేసుకుంది. పరిస్థితి అదుపు తప్పేలా ఉండటంతో పోలీసులు లాఠీచార్జ్ చేసి నిరసనకారులను చెదరగొట్టారు.

విద్యార్థి సంఘాల ముఖ్య నేతల అరెస్టు

ఈ నిరసనలో ముఖ్య విద్యార్థి సంఘాల నేతలు అరెస్టు అయ్యారు. అరెస్టైన వారిలో:
🔹 వైఎస్సార్ విద్యార్థి విభాగం రాష్ట్ర వర్కింగ్ ప్రెసిడెంట్ రవిచంద్ర
🔹 ఏఐఎస్ఎఫ్ రాష్ట్ర అధ్యక్షుడు వలరాజు
🔹 ఎస్ఎఫ్ఐ రాష్ట్ర అధ్యక్షుడు ప్రసన్న కుమార్

విద్యార్థి సంఘాలు ఈ ఆందోళనతోనే ఆగబోవట్లేదని, నారాయణను బాధ్యుడిగా ప్రకటించేవరకు పోరాటం కొనసాగిస్తామని హెచ్చరించాయి!

Also read:

https://voiceofandhra.org/telugu/2025/01/29/telugu-media-caste-bias-teenmaar-mallanna-controversy/