అనంతపురం, జనవరి 29: “మీడియా అంటే నాకు లెక్కలేదు. నాపై ఆరోపణలు చేస్తూ వార్తలు రాస్తే జర్నలిస్టులను రైలు పట్టాలపై పడుకోబెడతా” అంటూ టీడీపీ ఎమ్మెల్యే గుమ్మనూరు జయరాం సంచలన వ్యాఖ్యలు చేశారు.
గుంతకల్ ఎమ్మెల్యేగా ఉన్న జయరాం, స్థానిక జర్నలిస్టులతో మాట్లాడుతుండగా, తనపై వార్తలు రాస్తే తీవ్ర పరిణామాలు ఉంటాయని హెచ్చరించారు. “నేను అన్నీ చేసి చూసిన వాడిని. ఏం రాసుకుంటారో రాసుకోండి. నాపై ఆరోపణలు చేస్తూ ఆధారాలు లేకుండా వార్తలు రాస్తే తాటతీస్తా” అంటూ మీడియాను హెచ్చరించారు.
ఇదే కాదు, తనపై భూ అక్రమాల ఆరోపణలు, కుటుంబ పెత్తనం ఉన్నట్లు వార్తలు ప్రచురిస్తున్నవారు నిరూపించకపోతే రైలు పట్టాలపై పడుకోబెడతానని తీవ్ర వ్యాఖ్యలు చేశారు.
జర్నలిస్టుల నుంచి తీవ్ర నిరసన
జయరాం వ్యాఖ్యలపై జర్నలిస్ట్ సంఘాలు తీవ్రంగా స్పందించాయి.
- “ప్రజాస్వామ్యంలో మీడియాను భయపెట్టాలని చూడడం దుర్మార్గం. ఎమ్మెల్యే జయరాం వెంటనే బేషరతుగా క్షమాపణ చెప్పాలి,” అని జర్నలిస్టుల సంఘాలు డిమాండ్ చేశాయి.
- “వార్తలలో తప్పులుంటే చట్టపరంగా చర్యలు తీసుకోవాలి. మీడియా ప్రతినిధులను బెదిరించడం కరెక్ట్ కాదు,” అంటూ మీడియా వర్గాలు మండిపడ్డాయి.
- టీడీపీ అధిష్టానం దీనిపై స్పష్టత ఇచ్చి, ఎమ్మెల్యేపై చర్యలు తీసుకోవాలని డిమాండ్ చేస్తూ జర్నలిస్ట్ సంఘాలు ఆందోళనకు సిద్ధమవుతున్నట్లు సమాచారం.
Also read:
https://voiceofandhra.org/telugu/2025/01/27/registration-charges-revised-ap/
