ఆధ్యాత్మిక కేంద్రమైన తిరుపతిలో జనసేన నేతల వ్యవహారశైలి తీవ్ర చర్చనీయాంశంగా మారింది. తాజా వివాదంలో తిరుపతి 14వ వార్డు జనసేన ఇంచార్జ్ రమేష్ తోపుడు బండి వ్యాపారుల వద్ద కమీషన్ల కోసం అక్రమ వసూళ్లకు పాల్పడుతున్నట్లు ఆరోపణలు వచ్చాయి.
రెండు రోజుల క్రితం మరో వివాదం
ఇది మొదటిసారి కాదు. రెండు రోజుల క్రితం తిరుమల జనసేన ఇంచార్జ్ కాల్ గర్ల్స్ ఫొటోలు స్థానిక గ్రూపులో పంపుతూ దొరికిపోయిన ఘటన సంచలనంగా మారింది. ఇప్పుడు 14వ వార్డులో మరో వివాదం తెరపైకి వచ్చింది. జనసేన నేతలు అత్యాశతో ప్రజలను వేధిస్తున్నారనే విమర్శలు వెల్లువెత్తుతున్నాయి.
పట్టపగలే వసూళ్లు, వ్యాపారులపై ఒత్తిడి
స్థానికంగా అందిన సమాచారం ప్రకారం, 14వ వార్డు జనసేన ఇంచార్జ్ రమేష్ స్థానిక తోపుడు బండి వ్యాపారుల వద్ద కమిషన్ల కోసం ఒత్తిడి తెస్తున్నాడు. పట్టపగలే అక్రమ వసూళ్లు జరుగుతుండడంతో ప్రజల్లో తీవ్ర అసంతృప్తి వ్యక్తమవుతోంది.
ప్రజల్లో ఆగ్రహం – అధికారులు మౌనం ఎందుకు?
తిరుపతి ప్రజల్లో ఈ ఘటనలపై తీవ్ర నిరసన వ్యక్తమవుతోంది. ఆధ్యాత్మిక నగరంలో జనసేన నేతలు కమిషన్ల దందా, అసాంఘిక కార్యకలాపాల్లో పాల్గొంటున్నట్లు ఆరోపణలు వస్తున్న నేపథ్యంలో ప్రభుత్వం, పోలీసులు ఎందుకు చర్యలు తీసుకోవడం లేదనే ప్రశ్నలు ఉత్కంఠ రేపుతున్నాయి.
తిరుపతిలో జనసేన వైఖరిపై ప్రజల నిరసన
ఇటీవల వరుస వివాదాల్లో చిక్కుకుంటున్న జనసేన నాయకుల తీరుపై సామాన్య ప్రజలు, వ్యాపారులు తీవ్ర ఆగ్రహం వ్యక్తం చేస్తున్నారు. ఈ ఆరోపణలపై జనసేన అధిష్ఠానం ఎలా స్పందిస్తుందో వేచి చూడాలి.
Also read:
https://voiceofandhra.org/telugu/2025/02/12/new-income-tax-bill-2025-parliament/
