శ్రీ సత్యసాయి జిల్లా పెనుకొండ సబ్ జైలు లో అవినీతి ఓ కొత్త మలుపు తిరిగింది. కోర్టు బెయిల్ మంజూరు చేసినప్పటికీ, ఖైదీని విడుదల చేయడానికి జైలు అధికారులు కుర్చీ తీసివ్వాలని అనవసరమైన షరతులు విధించారు!
కుర్చీ లేక ఖైదీ విడుదల లేదు!
బెయిల్ వచ్చిందని ఖైదీ బంధువులు ఆనందిస్తుండగానే, జైలు అధికారులు “ముందుగా కుర్చీ తెచ్చి ఇవ్వండి, అప్పుడే విడుదల” అని షరతు పెట్టారు. దీనివల్ల ఆ కుటుంబం తీవ్ర ఆర్థిక సమస్యలను ఎదుర్కొంది. ₹8,000 ఖర్చు చేసి కుర్చీ కొనుగోలు చేసిన తర్వాతే ఖైదీ విడుదల చేశారు.
జైల్లో అవినీతి పెరుగుతోందా?
ఇలా ఖైదీ విడుదల కోసం లంచాలు లేదా వస్తువులు అడగడం చట్టవిరుద్ధం. ఇది పెనుకొండ సబ్ జైలులోనే జరుగుతోందా? లేక రాష్ట్రంలోని ఇతర జైళ్లలో కూడా ఇదే పరిస్థితా? అనే అనుమానాలు కలుగుతున్నాయి.
ప్రజా ఆగ్రహం – ప్రభుత్వ చర్యలు తీసుకుంటుందా?
ఈ ఘటనపై ప్రజల్లో తీవ్ర ఆగ్రహం వ్యక్తమవుతోంది. న్యాయ నిపుణులు, సామాజిక కార్యకర్తలు దీనిపై దర్యాప్తు జరిపి బాధ్యులపై కఠిన చర్యలు తీసుకోవాలని డిమాండ్ చేస్తున్నారు.
ఈ వ్యవహారంపై ప్రభుత్వం స్పందిస్తుందా? లేక మరొక అవినీతి కేసుగా మర్చిపోతుందా?
