న్యూఢిల్లీ: సమాజ సేవలో కీలక పాత్ర పోషిస్తున్న అంగన్‌వాడీ వర్కర్లు, ఏఎన్ఎంలు, ఆశా వర్కర్లు అలాగే సెర్ప్, మెప్మా పథకాలలో పనిచేస్తున్న రిసోర్స్ పర్సన్స్లకు పనికి తగిన పారితోషికం కల్పించాలని తిరుపతి ఎంపీ మద్దిల గురుమూర్తి పార్లమెంట్‌లో జీరో అవర్ సందర్భంగా కేంద్ర ప్రభుత్వం దృష్టికి తీసుకెళ్లారు.
కేంద్రం చొరవ తీసుకోవాలి
ఈ వర్గాల ఉద్యోగులు ప్రజా ఆరోగ్యం, బాలల అభివృద్ధి, గ్రామీణ అభివృద్ధి కోసం అహర్నిశలు కష్టపడుతున్నా, వారికి తగిన జీతం అందకపోవడం అన్యాయమని ఎంపీ పేర్కొన్నారు. కనీస వేతన చట్టం అమలు చేయాలని డిమాండ్ చేస్తూ, కేంద్ర ప్రభుత్వం వెంటనే చర్యలు తీసుకోవాలని సూచించారు.
ప్రభుత్వ ప్రోగ్రామ్స్‌ను ముందుండి నడిపించే వీరే
- అంగన్‌వాడీ వర్కర్లు – చిన్నారుల ఆరోగ్యం, పోషణలో కీలక పాత్ర
- ఏఎన్ఎంలు, ఆశా వర్కర్లు – గ్రామీణ ఆరోగ్య సంరక్షణలో కీలక స్తంభం
- సెర్ప్, మెప్మా రిసోర్స్ పర్సన్స్ – స్వయం సహాయ సంఘాలు, ఉపాధి అవకాశాల కల్పనలో ముఖ్యమైన పాత్ర
అమలుకు కేంద్రం అంగీకరిస్తుందా?
తక్కువ వేతనంతో ఇబ్బందులు పడుతున్న ఈ వర్గాల కోసం కేంద్రం చట్టబద్ధమైన నిర్ణయం తీసుకోవాలని ఎంపీ గురుమూర్తి కోరారు. ఈ డిమాండ్‌కు మద్దతుగా ఇతర రాష్ట్రాల ఎంపీల నుంచి కూడా స్పందన వచ్చే అవకాశముంది.
